اجمد شباب فى الدنيا


    الفرق بين الشيخ احمد حسن والمنحوس شيكابالا....وفك السحر..... ولله في خلقه شؤوون.

    شاطر
    avatar
    keko
    Admin
    Admin

    عدد المساهمات : 112
    تاريخ التسجيل : 03/12/2009
    العمر : 26

    الفرق بين الشيخ احمد حسن والمنحوس شيكابالا....وفك السحر..... ولله في خلقه شؤوون.

    مُساهمة  keko في الإثنين ديسمبر 14, 2009 8:04 am

    عندما شاهدت هدف التعادل للنادي الاهلي في مرمي نادي الاتحاد بتسديدة من الشيخ احمد حسن... تأكدت ان الاهلي هو نادي الحظ الافريقي ...
    وعندما شاهدت فرصة الهدف العالمي لنادي الزمالك في مرمي حرس الحدود بتسديدة المنحوس شيكابالا.. ومتابعة اخوه المتعوس شريف اشرف... ايقنت ان الزمالك نادي النحس العالمي..

    مش قادر اصدق؟؟؟ هو في ايه بالظبط... كل مايمكن او ممكن ان يفعل قد فعل... واخر خطوة فيها كانت اهم خطوه في تعين العميد حسام حسن لارجاع روح نادي الزمالك اليه...وبالفعل في تمام السابعة من ليل يوم الثالث من ديسمبر لعام الفين ومعاهم تسعة من الميلاد وبعد وفاه الروح منذ اكثر من خمس سنوات منذ ان ذهب العميد ورحل عن نادي الزمالك في تمام السابعة عادت الروح لنادي الزمالك من جديد....
    كلنا رأينا الروح العالية التي ادي بها اللاعبون95 دقيقة بدون توقف وبدون تعب وبدون احباط وبكل عزيمة.. ولكن.......

    يبدوا اننا ندور في دائرة ولا نستطيع الخروج منها.... فقد نقص الزمالك شئ وحيد للخروج من الكبوة وهي الحظظظظظظظظظظظظظظظظظظظظ.

    دعونا نذكر ماكان ينقص الزمالك
    كان ينقصه استقرار "وادينا بقى عندنا مجلس منتخب"
    كان ينقصة لاعبين سوبر "وبقى عندنا ميدو وعمرو زكي والباقي اظلم"
    كان ينقصة الروح " وادي بقى عندنا حسام حسن "

    ناقصنا ايه بقى؟؟؟؟؟؟؟ الحظظظظظظظظظظظظظظظظ فقط وهو توفيق الله عز وجل

    ايه المطلوب مننا بقى ؟؟ كجمهور للزمالك؟؟ هل الزمالك لهذه الدرجة منحوس؟ هل مغضوب علي من الخالق عز وجل؟ ام انه وبكل بساطة وسذاجة مواطن بسيط معموله عمل؟؟؟ ومش هيتفك ابدا؟؟

    طيب لو حد عامله عمل يقولنا علشان نريح نفسنا ونفضل نشجع الزمالك لغاية مايموت الزمالك واحنا عارفين انه هيموت لاننا عمرنا ما هنبطل نشم ونتنفس زمالك.

    عايز بس اثبت حاجة بالدليل القاطع الساطع الواضح الذي لا يقبل الشك؟

    هل فريق وقوام ولاعبي الاهلي هذا العام ؟؟ كالسابق مع العبقري جوزيه؟؟ حد هيقولي ياعم عبقري مين ده كان معاه شوية لعيبة بنت حرام ملهاش حل هيا اللي كانت بتكسبة؟؟

    طب حد يقولي الاهلي بيكسسسسسسسب ليييييييييه دلوقتي؟؟؟

    فريق مثل النادي الاهلي هذا العام ضعيف لدرجة انه لو ارتطم بجدار صلب لنكسرت عنقة ولكن الحظ يقف في جانبه بطريقة مستفزه للغاية.....

    تيجي نفتكر نتايج الفريق السنادي

    الاهلي لعب 11 مباراه:
    فاز في 8 وتعادل في 3 ومخسرش ولا مرة في عين الحسووووووووود
    تعالو بقى نتكلم علي الحظ شوية ونشوف الاهلي فاز في كام مطش بجد وفي كام مطش بالواسطة الربانيه التي لا اعتراض عليها
    من الثمانية مطش الغزل 2/صفر ومطش طلائع الجيش 4/2 ومطش انبي 2/صفر مفيش مشاكل ماشية
    باقي المطشات .
    مباراه اتحاد الشرطة كان مهزوم 1/صفر واستطاع الفوز بهدف خطأ في مرمي الشرطة بالعافية في اخر 6 دقايق
    مباراة بترول اسيوط بالتخصص 1/صفر بهدف الشيخ ابو تريكه
    مباراة المنصورة بالتخصص " يعني بالعافية والحظ " 2/1 بردوا لنفس الشيخ

    نيجي بقى لكبير الشيوخ ربنا يوسع عليه ولله مابحسد
    الدقيقة 93 بالتخصص للنادي الاهلي علي مدار التاريخ الشيخ احمد حسن واحد صفر بتروجيت
    بالتخصص بردوا هدف الشيخ حسن في مرمي المقاولون بعد ما الشيخ عزم وقرا يس علي الكورة وهب دش اتزحلقت من ايد الجون

    والنهاردة هب دش ترب تتزحلق من ايد الجون بردوا ويتعادل الاهلي العالمي وينفذ من الخسارة بردوا

    لأ ومتكلمناش علي التعادل بردوا بتاع حرس الحدود بعد ماكان الامتاخر بهدف

    وتستمر الحياااااه مفيش مشاكل... عادي فرقة حظيظة ايه يعني

    طيب ايه النحس اللي احنا فيه ده

    تبدء بداية روعة مع انبي وتبدع
    اوعي وشك والعو جه

    وتدخل مطش بتروجيت وهب في اول دقيقة شيكابالا جووووووون انا مش مصدق ده الزمالك هيقطع
    وبالمناسبة هو ليه دايما الجدول بتاعنا في الدوري اول المطشات انبي بتروجيت الاسماعيلي الجيش وبعدين يقع الزمالك نقوم نديله كام نادي كدة يمشي بيهم حالة
    اهو السنادي وقعنا من بدري قوي بسبب الجدول
    بعد اول دقيقة واحد صفر علي بتروجيت
    الغيوم والبرق والعواصف نزلت والنحس اشتغل وعكس السير يتعادل بتروجيت وعكس السير قبل ما المطش يخلص بدقيقة وليد سليمان جوووووووووووون... قولت في امل باقي لسه الدقيقة 93 مجتش وقولت لو بس احمد حسن معانا بس للاسف لو جه الزمالك هيتنحس هوا كمان؟؟
    وابتدينا
    بالعافيييية نتعادل مع المقاولين
    وهب يلعب معانا الحظ عشان الاتحاد لسه جايب كابرال جديد ونفوز واحد صفر
    يلا مرة من نفسنا مش كله اهلي
    وبعدين هب الجيش يعلم علينا واحد صفر بردوا طيب ماشي مع اننا كنا كوييسن ولله
    ومفيش مانع بعدها ولاد عمنا يفوقوا علي حسابنا واحد صفر بردوا
    ويجي النحس يرررررركبنا قوي يوم الجونه وتعصلج ونتعادل بالضالين
    ويوم مطش الانتاج يخررررربيت الحظ اللي معانا تقريبا نصيب حظنا من الموسم كله خلص في المطش ده بالعافية 3-2

    ومدام الحظظظظظظ خلص يوم الانتاج مفيش مانع بقى يركبنا النحس بضربة جزاء ظلم ونخسر من المحلة

    وهب بعديها اكيد الشرطة 2
    ويوم ما الروح ترجع مع فرقة مهزومة اخر مطشين زينا الحظ ميعرفناش

    ليييييه؟

    ياتري اي الحل؟؟؟

    ليه الحظ مش مانع؟؟؟

    انا بقترح اخر اقتراح قبل مطش الاهلي علي مجلس الادارة

    مبقاش قدامكم غير طريق واحد
    واحد بس

    تشوفولكم كدة واحد من الناس اللي بتفك الاعمال وتقرا الكف وتضرب الودع ونكفر بقى بربنا علشان نشوف الزمالك حظه مايل ليه لاني متاكد انه معموله عمل بجد

    مبقاش فاضل غير كدة والعياذ بلله

    طيب في حل شرعي بلاش الكفر اللي فوق

    نشوف شيخ بقى يبخر النادي او يقرا عليه قرأن ويرقيه ويفكلنا السحر اللي عليه

    سواء كدة او كدة انا مش هستريح الا ما اشوف الزمالك بيفوز
    ومش بس يفوز
    ده يفوز 4 مطشات ورا بعض عشان ابدء اتأكد انه السحر اتفك وبردوا هفضل قلقان.. وربنا يتولانا برحمته وكفاية كدة بقى

    بقلم واحد دمة محررررررروق علي طول


    _________________



    وبردوا هفضل احبك يا زمالك
    cheers cheers cheers cheers cheers cheers cheers

      الوقت/التاريخ الآن هو الثلاثاء ديسمبر 18, 2018 11:42 pm